Trefill

1900 - 1950

In preservation at

Trefilinn keypti Egill Ólafsson á Þingeyri í skemmtiferð sem Vatneyrarbræður stóðu að 1940. Bræðurnir buðu íbúum Patreks- og Rauðasandshrepps að taka þátt í þessari ferð. Farið var á togaranum Verði, skipstjóri Gísli Bjarnason. Fólkinu var boðið upp á fríar veitingar. Þegar á Þingeyri kom var staðurinn skoðaður, m.a. kirkjan sem er hönnuð af Rögnvaldi Ólafssyni. Kaupfélagið var opnað fyrir ferðafólkið, þótt á laugardegi væri. Kaupfélagsstjóri var Eiríkur Þorsteinsson. Egill keypti trefilinn sem minjagrip um ferðina og notaði í mörg ár. Meðal þátttakenda í ferðinni var Helgi Gestsson í Kollsvík, síðar húsasmíðameistari. Hann keypti þetta forláta hallamál úr málmi. Það sýnir hvað vöruúrvalið hefur verið mikið í versluninni, þó á svona fámennum stað væri. Slegið var upp dansleik í samkomuhúsi staðarins og harmónikkuspilarar sem voru með í ferðinni léku fyrir dansi. Komið var til Patreksfjarðar á morgni sunnudags. Árið eftir var stríðið komið í algleyming og bræðurnir töldu ekki hættandi á að leggja í slíka ferð aftur og lögðust þær því af. Árið áður, 1939, hafði verið farin ferð inn í Geirþjófsfjörð. Fólkið var ferjað í land í Langabotni og gekk svo að Einhamri og skoðaði minnismerki um Gísla Súrsson. Í bakaleiðinni var komið við á Bíldudal og slegið upp dansleik í Rækjuverksmiðju Gísla Jónssonar. Svo var komið til Patreksfjarðar á morgni sunnudagsins. Veitingar voru eins og fólk vildi. Þátttaka í þessum ferðum hefur verið um 80-100 manns. Á treflinum er vörumerkið McDhu, drengur í skoskum búning.

Main information

Donor: Egill Ólafsson

Dating

1900 - 1950

Object-related numbers

"Museumnumber b": 2009-2927

Place

Núverandi sveitarfélag: Vesturbyggð, Vesturbyggð

Record type

Artifact

Collection

Undirskrá: Almenn munaskrá

Keywords

Keyword: Trefill