Go Back To Search
Do you know more?

Spilaborð

1750 - 1820
In preservation at
Akranes Folk Museum
Spilaborðið átti séra Hannes Stephensen ,prófastur og alþingismaður á Ytra Hólmi, f.12/10 1799, sonur Stefáns amtmanns á Hvítárvöllum,d. á Ytra Hólmi 29/9 1856. Vígðist til Saurbæjar á Hvalfjarðarströnd 1825,en fór þangað eigi, fékk veitingu fyrir Görðum á Akranesi hið sama ár og þjónaði Garðaprestakalli til æviloka. Bjó á Ytra Hólmi. Þingmaður Borgfirðinga við endurreisn Alþingis, frá 1845 til dánardægurs og fyrri Þjóðfundarfulltrúi þeirra 1851. Svo segir um hann í Íslenskum æviskrám : "Hann var manna mikilhæfastur og þjóðræknastur,talinn málsnjallasti maður á Alþingi um sína daga.". Kvæntur 1825 Þórunni ,dóttur Magnúsar Stephensen,Konferenzráðs, á Innra Hólmi. Hún lifði í mörg ár eftir lát manns síns ,d. 1876. Fluttist frá Ytra Hólmi. Hún skildi spilaborðið eftir á Ytra Hólmi og komst það í eigu Péturs Ottesens ,er keypti höfuðbólið af frú Þórunni . Síðar var það í eigu Oddgeirs ,sonar hans ,Péturs Ottesens ,bónda á föðurleifð sinni og alþingismanns og afhenti hann byggðasafninu borðið til eignar og varðveislu ,réttum hundrað árum eftir að það komst í fyrst í eigu ættar hans.Ekki er vitað hvenær sr.Hannes eignaðist spilaborðið. Heimildir eru fyrir því að séra Hannes hafi oftsinnis boðið námspiltum í Bessastaðaskóla og síðar Latínuskólanum í Reykjavík,er eigi komust heim til sín í jólafríinu, að vera yfir jólin heima á Ytra Hólmi.Hafi þá verið mikið spilað og vafalítið við þetta borð ,sem að sjálfsögðu geymir m.a. minningar frá glaðværum stundum hinna ungu menntamanna, sem því miður er ekki unnt að nafngreina (heim.J.M.G.)  

Main information

Dating
1750 - 1820
Object-related numbers
"Museumnumber b": 1959-220-1
Place
Staður: Ytri Hólmur I, Ytri-Hólmur I, 301-Akranesi, Hvalfjarðarsveit
Record type
Collection
Undirskrá: Almenn munaskrá
Keywords
Keyword: Spilaborð

Place of origin

64°18'17.9"N 22°1'29.6"W