Go Back To Search
Do you know more?

Koffort, + hlutv.

In preservation at
Akranes Folk Museum
Koffort þetta er skútukoffort Gunnars Helgassonar frá Kringlu á Akranesi Lýsing: Koffortið er brúnmálað. Stærð þess er, 69,5 cm *34 cm, Dýpt 40 cm og þykkt á loki 10,5 cm. Lokið er með gleri og rennihurðum og ýmislegt var geymt þar ofan í. Saga: Þetta koffort er tengt miklum sorgaratburði, einu mesta sjóslysi við Akranes, 16. september 1905. Opið skip, sexæringurinn Hafmeyjan, sem var á leið frá Reykjavík, lenti í dimmu éli og fórst á Suðurflösinni við Akranes. Drukknuðu allir sem á skipinu voru, 11 manns, þar af flestir sjómenn að koma heim eftir langa útivist á skútum er gerðar voru út frá Reykjavík. Meðal þeirra voru 4 bræður frá Kringlu á Akranesi, synir hjónanna Helga Guðmundssonar formanns og Sigríðar Jónsdóttur: Jón 28 ára, Helgi 26 ára, Gunnar 22 ára og Ólfafur 19 ára. Systir þeirra Valgerður 21 árs og vinstúlka hennar Aldís Kristjánsdóttir frá Kirkjuvöllum á Akranesi, sem báðar höfðu verið í kaupavinnu í Gufunesi um sumarið, tóku sér far með skipinu í fylgd bræðranna. Með skipinu drukknuðu einnig 3 bræður frá Innsta- Vogi, Jóhann, Björn Ágúst og Ingvar Björnssynir, sem voru ásamt Gunnari að koma af vertíð á Kútter sigurfara, sem varðveittur er hér við safnið. eitt af því fáa af farangri skipsins er fannst óskemmt var þetta Koffort Gunnars. Innihald þess var nær óskemmt, en meðal þess var sumarkaup tveggja bræðranna, Gunnars og Ólafs. Foreldrar þeirra gáfu koffortið Jóhönnu Ísleifsdóttur ( f. 1887) frá Katanesi, en hún var heitbundin Gunnari. Jóhanna átti koffortið síðan og gaf það safninu 4. október 1959. Koffortið er í flestu eins og það var, þegar sjórinn skilaði því á land 16. september 1905, nema hvað það hefur verið málað og listi settur innan það. Var áður gult eða ljósbrúnt á lit á meðan Gunnar átti það. Koffortið var sprengt upp er það rak og ber þess enn menjar. Heimild Jóhanna Ísleifsdóttir frá Katanesi.

Main information

Material
Object-related numbers
"Museumnumber b": 1959-822-1
Dimensions
69.5 x 34 x 40 cm Lengd: 69.5 Breidd: 34 Hæð: 40 cm
Place
Staður: Kringla, Mánabraut 22, 300-Akranesi, Akraneskaupstaður
Record type
Collection
Undirskrá: Almenn munaskrá
Keywords