Kaffikvörn

1870 - 1881

In preservation at

Hinn 31. janúar 1881 strandaði póstskipið Phönix í aftaveðri á skerjum framundan skógarnesi í Miklaholtshreppi á Snæfellsnesi. Skipið var að koma til landsins frá Kaupmannahöfn í miðvetrarför sinni. Eyðilagðist það með öllu en skipverjar komust í land mjög þrekaðir og nær aðframkomnir af vosbúð og kulda. skipsbrotsmönnunum var skift niður á bæi í Miklaholtshreppi til aðhlynningar og hjúkrunar. Í Miklaholti var þá sóknarprestur séra Geir Bachmann ( d. 1886). Sonur hans var Stefán Bachman var kvæntur Súsönnu Maríu og bjuggu þau á prestssetrinu. Einhverjir hinna hröktu manna fengu skjól og hjúkrun í Miklaholti, þ.á.m. matsveinninn af skipinu. Umrædd kaffikvörn var skipskvörn póstskipsins og rak hana á land með öðrum varningi úr skipinu. Matsveininn gaf Súönnu kvörnina í þakklætisskyni fyrir sig en hann lést stuttu síðar af völdum kalsára. Súsanna og maður hennar, Stefán, fluttust að vestan til Akraness þetta saman ár ( 1881) og bjuggu þau á Nýjabæ. Stefán var hagleiksmaður og stundaði smíðar. Hann var einn þeirra sem fórust með Pétri Hoffmann í mannskaðaveðrinu mikla 07.01.1884. Seinni maður Súönnu var Hallgrímur Tómasson útvegsbóndi og formaður á Bjargi á Akranesi ( f. 1862, d.1952). Þau bjuggu á Grímsstöðum á Akranesi. Súanna átti og notaði kvörnina meðan lifði ( d. 1918). Eftir hana eignaðist kvörnina sonur hennar, Stefán Bachmann sem lengi hefur verið búsettur í Hafnarfirði og gaf hann safninu kvörnina 04.03.1965. -Heimild frá Stefáni Bachmann-