Lítið veggteppi

In preservation at

Lítið veggteppi - Salúnsofið lítið veggteppi úr ullarbandi. Grunnlitur hvítur og aðrir litir eru 4 mismunandi mórrauðir litir. Saga: Anna Halla Björgvinsdóttir, sem óf teppið, var fædd á Siglufirði 5. apríl 1947. Hún lést á líknardeild Landspítalans þann 27. Sept. 2010. Anna ólst upp á Sauðákróki og Hólmavík. Hún tók landspróf frá Héraðsskólanum að Reykjum árið 1962 og stúdentspróf frá Menntaskólanum á Laugarvatni árið 1966. Forpróf í málvísindum og hljóðfræði frá HÍ 1968. Nam vefnað við Statens Håndverk og kunstindustriskolen í Ósló 1969-1973 með diplom í vefnaði og kennarapróf í handmennt frá Statens Lærerskole í Forming, Notedden, Noregi 1977. Hún starfaði um skeið á eigin vefstofu í Osló. Eftir að hún flutti til Íslands starfaði hún sem handmenntakennari við Valhúsaskóla á Seltjarnarnesi um nokkurra ára skeið og síðan í nokkur ár hjá Frímerkjasölu Pósts og síma. Síðan hóf hún störf við handritadeild Þjóðarbókhlöðunnar og starfaði þar til dauðadags. Eftir Önnu Höllu liggur töluvert af vefnaði og öðrum verkum sem bera vitin um einstaka vandvirkni hennar og smekkvísi. Hún tók þátt í samsýningum veflistamanna eftir heimkomuna frá Noregi og var virkur félagi í samtökum þeirra. Hún óf veggteppi sem óskað var eftir að hún ynni fyrir safnaðarheimili Árbæjarsóknar og safnaðarheimilið í Vestmannaeyjum og fyrir sjúkrahúsið Akranesi. Töluvert af vefnaði Önnu Höllu er til í eigu ættingja og vina hennar. Frekari upplýsingar fást á blaði í bláu möppunni. Anna Halla Björgvinsdóttir (1947-2010)