Axlartaska úr selskinni

In preservation at

Axlartaska úr selskinni . Taskan er skeifulaga með loki sem er heldur minna en sjálf taskan. Töskunni er lokað með útskornu hvalbeini sem líkist bjarnarhöfði. Fest á töskuna með leðurbandi. Mótherjinn er festur á lokið og líkist tveimur pinnum sem leðurbandið er dregið í gegn um. Þessi mótherji er síðan dreginn í gegn um bjarnarhöfuðið. Annar mótherjinn er laus og er ofaní töskunni. Ljósara skinn er notað á hliðum og í 3sm kanti yst á loki. Á lokinu eru fimm stjörnur úr perlum, ein fyrir miðju við festingu og hinar tvær sitt hvoru megin til hliðanna, önnur upp af hinni. Litir á perlum eru svartur, hvítur og rauður. Á miðju lokinu eru tveir stafir "HV" saumaðir. Þeir eru úr rauðum skinnborða.Taskan fóðruð með drapplitu bómullarefni. Saga: Dánarbú Herdísar Vigfúsdóttur (10. sept. 1925-4.feb. 2011) ánafnaði Heimilisiðnaðarsafninu á Blönduósi tvær grænlenskar treyjur, grænlenskar töskur úr selskinni ásamt öðru grænlensku handverki. Nokkuð af handverkinu var Herdísi gefið, öðru söfnuðu þau Herdís og eiginmaður hennar Valtýr Pétursson ( 1919 - 1988) á 20 ára tímabili þegar þau voru leiðsögumenn í Grænlandi. Farið var fram á að munirnir verði vel varðveittir og að Herdísar og Valdtýs verði minnst þegar gripirnir eru hafðir til sýnis. Gefendur voru: Ólafur Halldórsson Guðmundur Ingólfsson Gyða Valdís Guðmundsdóttir Ásta Sóllilja Guðmundsdóttir f. mína hönd og Ingólfs Guðmundssonar. Sumarið 2012 hafði Guðrún Gunnarsdóttir, listakona, vinkona gefenda, samband við forstöðumann Heimilisiðnaðarsafnsins vegna þessara grænlensku muna. Rökstuðningur hennar fyrir varðveislu munanna á ísl. textilsafni voru fyrst og fremst vegna lita og munsturgerða sem gæti í framtíðinni verið merkilegt rannsóknarefni t.d. í tengingu við íslensku lopapeysuna. Einnig tenging þessara tveggja nágrannaþjóða, Grænlands og Íslands.