Selskinnstaska

In preservation at

Axlartaska saumuð úr selskinni. Skeifulaga og heldur breiðari að neðan en ofan. Lokið er með sama form nema heldur minna en sjálf taskan. Töskunni er lokað með útskornu hvalbeini sem líkist bjarnarhöfði. Fest á töskuna með leðurbandi. Mótherjinn er festur á lokið og líkist tveimur pinnum sem leðurbandið er dregið í gegn um. Þessi mótherji er síðan dreginn í gegn um bjarnarhöfuðið. Lokið er skreytt með ísbirni úr hvítu leðri sem saumaður er niður með girni. Brúnn kross saumaður í auga ísbjarnarins. Þrjár stjörnur úr perlum á neðri hluta loksins. Litir hvítt, rautt og ljósblátt. Ein stjarna fyrir miðju og hinar til hliðanna. Lokið bryddaði með rauðu leðurbandi. Veskið fóðrað með ljósu lérefti sem er með "pontumunstri" Saga: Dánarbú Herdísar Vigfúsdóttur (10. sept. 1925-4.feb. 2011) ánafnaði Heimilisiðnaðarsafninu á Blönduósi tvær grænlenskar treyjur, grænlenskar töskur úr selskinni ásamt öðru grænlensku handverki. Nokkuð af handverkinu var Herdísi gefið, öðru söfnuðu þau Herdís og eiginmaður hennar Valtýr Pétursson ( 1919 - 1988) á 20 ára tímabili þegar þau voru leiðsögumenn í Grænlandi. Farið var fram á að munirnir verði vel varðveittir og að Herdísar og Valdtýs verði minnst þegar gripirnir eru hafðir til sýnis. Gefendur voru: Ólafur Halldórsson Guðmundur Ingólfsson Gyða Valdís Guðmundsdóttir Ásta Sóllilja Guðmundsdóttir f. mína hönd og Ingólfs Guðmundssonar. Sumarið 2012 hafði Guðrún Gunnarsdóttir, listakona, vinkona gefenda, samband við forstöðumann Heimilisiðnaðarsafnsins vegna þessara grænlensku muna. Rökstuðningur hennar fyrir varðveislu munanna á ísl. textilsafni voru fyrst og fremst vegna lita og munsturgerða sem gæti í framtíðinni verið merkilegt rannsóknarefni t.d. í tengingu við íslensku lopapeysuna. Einnig tenging þessara tveggja nágrannaþjóða, Grænlands og Íslands.