Selskinnstaska

In preservation at

Axlartaska úr selskinni. Skeifulaga lok á töskunni sem er lokað með lykkju úr hvaltönn. Lykkjan fest á með sin. Lokið er með sama form og taskan en 3sm breiður kantur er yst á lokinu og sá kantur er í ljósara skinni en aðallitur loksins. Þessi ljósi litur er einnig í hliðum töskunnar. Munstur á loki er einnig skeifulaga og yst er 4sm breiður perluborði lagður í formið. Litir í perlum eru hvítur, rauður og blár. Í miðjunni er rautt skinn með hvítum ísbirni á. Saumað er með brúnum þræði í fætur, snoppu og í auga ísbjarnarins. Hann saumaður niður með hvítum þræðisporum. Veskið fóðrað með svörtu fóðurefni. Axlarólin er nánst brotin í sundur en lafir á einum þræði. Saga: Dánarbú Herdísar Vigfúsdóttur (10. sept. 1925-4.feb. 2011) ánafnaði Heimilisiðnaðarsafninu á Blönduósi tvær grænlenskar treyjur, grænlenskar töskur úr selskinni ásamt öðru grænlensku handverki. Nokkuð af handverkinu var Herdísi gefið, öðru söfnuðu þau Herdís og eiginmaður hennar Valtýr Pétursson ( 1919 - 1988) á 20 ára tímabili þegar þau voru leiðsögumenn í Grænlandi. Farið var fram á að munirnir verði vel varðveittir og að Herdísar og Valdtýs verði minnst þegar gripirnir eru hafðir til sýnis. Gefendur voru: Ólafur Halldórsson Guðmundur Ingólfsson Gyða Valdís Guðmundsdóttir Ásta Sóllilja Guðmundsdóttir f. mína hönd og Ingólfs Guðmundssonar. Sumarið 2012 hafði Guðrún Gunnarsdóttir, listakona, vinkona gefenda, samband við forstöðumann Heimilisiðnaðarsafnsins vegna þessara grænlensku muna. Rökstuðningur hennar fyrir varðveislu munanna á ísl. textilsafni voru fyrst og fremst vegna lita og munsturgerða sem gæti í framtíðinni verið merkilegt rannsóknarefni t.d. í tengingu við íslensku lopapeysuna. Einnig tenging þessara tveggja nágrannaþjóða, Grænlands og Íslands.