Upphlutsbelti

In preservation at

Textile Museum

Upphlutur Ingibjargar Guðmundsdóttur í Mjóadal. A: Satínbolur sídd 38 cm. auk 9 cm neðan á bol, borðar balderaðir, blóm sem speglast frá miðju. Fjórar millur hvorum megin. Knipplaðar leggingar á baki og öxlum. B: Pils: sídd 96 cm. sennilega úr silki. C: Belti: Balderað með silfurþræði sem er silfraður og gylltur. Beltið er sérlega fallegt, allt símunstrað og sniðið niður að aftanverðu.Blöðin eru silfurlituð og blómin balderuð með gulllituðum silfurþræði. Beltið er krækt saman að framanverður með balderuðum beltispörum. „Einstakt handverk“. D: Skotthúfa: Handspunninn þráður og húfan handprjónuð. Húfan lyft upp að framanverðu. Þá fylgir silkiskúfur og skúfhólkur með fínlegu munstri. Húfuprjónar – tveir með lítilli lilju á keðjunni sem hangir á milli þeirra. E: Skyrta sídd 44 cm. Svart þunnt silki, rykkt undir hálslíningu að framan. Ermalíning við úlnið, tvö handsaumuð göt til að hneppa skyrtuhnöppum. Ermahnapparnir (skyrtuhnapparnir) kúptir úr víravirki. F: Svunta – Sídd 79 cm.efnið úr silki – símunstrað. Hnappagöt handsaumuð fyrir svuntupör. Svuntupörin fest saman með krækju, þar sem parið er breiðast – víravirki. Með búningnum fylgdi einnig sjalprjónn L.7.5 cm. og silfurnæla með grænum steini í miðju. Saga: Úr eigu Ingibjargar Guðmundsdóttur frá Mjóadal, síðar Síðumúla í Borgarfirði. Hafði verið gefið til Byggðasafns Borgfirðinga áður en það kom hingað. Ingibjörg saumaði í Kaupmannahöfn árið 1911.Þessi fallegi upphlutsbúningur hafði áður verið gefinn til Byggðasafns Borgfirðinga en afkomendur Ingibjargar hlutuðust svo um að fá búninginn afhentan þaðan og gáfu Heimilisiðnaðarsafninu búninginn til varðveislu árið 2003.