Veiðistöng

In preservation at

9919 – Veiðistöng Vigfúsar Guðmundssonar veitingamanns í Borgarnesi, á Hreðavatni og víðar. Stöngin er um 7,5 m að lengd. Vigfús var veitingamaður (Vigfús vert) og rithöfundur, fæddur á Eyri í Flókadal 25. febrúar 1890 og lést í Reykjavík 1965. Foreldrar: Guðmundur Eggertsson og Kristín Kláusdóttir. Vigfús stundaði sjóróðra og sveitastörf, varð búfræðingur frá Hvanneyri 1913. Síðan fór hann til Noregs og þaðan til Montana í Bandaríkjunum, þar sem hann var m.a. hjarðmaður og lagði stund á fiskveiðar.Eftir þetta ferðaðist hann um allar álfur heims. Vigfús reisti nýbýlið Bjarg í Borgarnesi árið 1929 og rak þar búskap til 1933. Hann var gestgjafi í Borgarnesi 1920-1940, en var auk þess um skeið í Reykholti og á Laugarvatni sumarið 1932. Vigfús reisti Hreðavatnsskála 1933 og hafði þar veitingarekstur til 1945. Þá reisti hann annan skála í Brekkulandi við Grábrók (stendur enn). Sjá nánar um Vigfús í Borgfirskum æviskrám, XII bindi, bls. 46-47. Veiðistöngina átti Vigfús í mörg ár og hana mátti nota með flugu og maðk. Hann hafði veiðirétt i Norðurá niður fyrir fossinn Glanna í mörg ár og veiddi óspart í matinn fyrir heimafólk í Skálanum svo og gesti sína. Vigfús nýtti sér ferðir inn Norðurárdalinn með mjólkurbílnum er bílstjórinn var á heimleið. Svo gekk hann allt frá bænum Króki niður með ánni og veiddi á leiðinni . Voru byrðarnar orðnar býsna þungar er heim í skála kom. Veiðstöngin er ásamt öðrum munum og gögnum tengdum Vigfúsi gjöf (maí 2014) frá börnum hans tveimur: Heiði Önnu Vigfúsdóttur og Guðmundi Gauki Vigfússsyni sem einnig eru heimildarmenn fyrir skráningunni.

Main information

Vigfús Guðmundsson, Used by

Title

Proper noun: Veiðistöng

Object-related numbers

Museumnumber a: BB-9919

Dimensions

750 x 0 cm Lengd: 750 cm

Record type

Artifact

Collection

Undirskrá: Byggðasafn Borgarfjarðar

Keywords

Keyword: Veiðistöng