Go Back To Search
Do you know more?

Snið, teikning

1930 - 1970
In preservation at
District Cultural Center
Uppdráttur af mynstri á altarisdúk. Smjör eða sníðapappír, með götuðu mynstri. Á bréfi sem fylgdi stendur: Afhendi hér með presthjónum að Mælifelli, séra Ágústi og frú Guðrúnu, þetta "afrit" af Möðruvallaaltarisdúknum. Akureyri 27.12. 1974. Ragnheiður O. Björnsson Möðruvallaaltarisdúkurinn, sem Anna friðriksdóttir frá Bakka gaf Möðruvallakirkju, fyrir líklega einum 50 árum eða meir. Hún fékk hann áteiknaðann hjá nunnunum í Landakoti og saumaði hann sjálf. Stuttu eftir að ég hóf starf mitt hér á Akureyri, bað frú María prófastfrú á Möðruvöllum mig að hjálpa sér (og líklega kvenfélaginu í sókninni) að fá þennan dúk endurnýjaðan, því hann var orðinn mjög gamall og slitinn. Ég tók því af honum mynstrið (þ.e. kopíu) og teiknaði það á mjög vandaðan dúkahör og fékk konu í Rvík til að sauma hann og allir voru ánægðir. Nokkru seinna báðu konur í Laufássókn (?) leyfis hjá Möðruvallaprestshjónum (og öðrum, sem réðu slíku) til að leyfa þeim að fá eins dúk og var það fúslega leyft. Þann dúk áteiknaði ég líka. Svo hef ég geymt þetta mynstur og gleymt því, en hér er það. Í lúterskum kirkjum er siður að hafa altarisdúk eins og kápu, sem smeygt er upp á altarið, þ.e. útsaumaðan renning, sem saumaður er við 3 hliðar dúksins, sem er jafnstór altarisplötunni. En í kaþólskum kirkjum er dúkurinn líkt og kaffidúkur hvað hornin snertir. Því er þessi dúkurmeð kaffidúkshornum að Anna fékk hann hjá nunnunum. Ragnheiður O. Björnsson Einnig fylgdi eftirfarandi bréf: Gögn frá Guðrúnu L. Ásgerisdóttur og sr. Ágústi Sigurðssyni, fv. presthjónum, afhent Safnahúsinu á Húsavík að beiðni þeirra. í Tölvupósti til undirritaðrar 17. desember 2009 segir Guðrún: "Gögnin eru þessi: Áteiknaður dúkurinn, DMC garn: 2 öskjur nr. 111 og 3. nr. 101, teikningar af dúknum upprúllaðar, afhendingarbréf Ragnheiðar O. Björnsson skrifað á hvítan umbúðapappír og loks kaupfélagspokinn gamli. Anna Friðriksdóttir á Bakka var náfrænka herra Jóhannesar Gunnarssonar Hólabiskups á Landakoti, f. 3. ágúst 1897 í Rvík." Oddný E. Magnúsdóttir

Main information

Dating
1930 - 1970
Material
Object-related numbers
Museumnumber a: 5000
Dimensions
135 x 37.5 cm Lengd: 135 Breidd: 37.5 cm
Place
Staður: Austurbyggð 21, 600-Akureyri, Akureyrarbær
Record type
Collection
Undirskrá: Byggðasafn S-Þingeyinga
Keywords