Panta mynd Notkunarskilmálar

Vaðmál, + hlutv.

1895 - 1896

Varðveitt hjá

Þjóðminjasafn Íslands

Heimaunnið vaðmál úr þelbandi, litað svart. Frá Deildartungu í Reykholtsdal. Spunnið af heimasætunum þar, Ástríði, Helgu, Guðrúnu og Vigdísi Hannesdætrum, en ofið af föður þeirra, Hannesi Magnússyni bónda í Deildartungu, líklega um 1895-1896. Afar vel unnið vaðmál. Í eitt hornið hefur verið saumað með ljósu bandi, mjög grófum saumsporum: 2130. Gefandi er Vigdís Pálsdóttir (f. 1924), dótturdóttir Hannesar (hún er dóttir Guðrúnar Þuríðar, dóttur Hannesar og Vigdísar Jónsdóttur konu hans). Á meðfylgjandi blaði frá gefanda segir m.a.: „Þegar ég eignaðist vaðmálið var það hvítt en ég lét lita það í Svíþjóð um 1965. Þetta átti að vera efni í peysuföt fyrir fermingu einnar dótturinnar en það gafst tækifæri til að kaupa innflutt klæði í Reykjavík. Þess vegna er þetta enn til. Mamma var búin að sauma sófapúða úr efninu meðan það var hvítt.“ Inga Lára Baldvinsdóttir, fagstjóri Ljósmyndasafns Íslands í Þjóðminjasafni, afhenti vaðmálið fyrir hönd Vigdísar móður sinnar.