Hattur

1920 - 1930

In preservation at

Kvenhattur. Svartur hattur úr filtefni. Hatturinn er fremur kollhár, með barði. Barðið er tvískipt, byrjar að aftan og gengur fram til beggja hliða þar sem það víkkar út. Vinstra megin brettist barðið upp á við en hægra megin slútir það beint niður. Innan í því er vír. Þar sem þau mætast að framan, eru fjögur hvít og svört fjaðrabúnt ásamt nokkrum litlum, marglitum (mest gulum, rauðum og brúnum) fjöðrum. Búntin eru tekin saman í fóðraðan stilk sem hringast upp á við. Ofan á barðinu er svart net sem slútir niður fyrir og á að vera fyrir andlitinu. Teygja að innanverðu til að festa við höfuðið. Ómerktur. Á ensku svokallaður "cloche hat". Sennilega frá 1920-1930. Gripirnir nr. Þjms. 2012-85 eru allir úr fórum Magneu D. Þórðardóttur, eiginkonu Jóhanns Þ. Jósefssonar, kaupmanns, útgerðarmanns, alþingismanns og ráðherra. Gefandi er dóttir þeirra hjóna. Sjá einnig nr. Þjms. 1991-60.