Höfn

01.01.1902 - 01.01.1903

In preservation at

Skip og skútur á ytri höfnini við Reykjavíkurhöfn. Battaríið yst t.v. og Sölvhóll frammi á sjávarkambinum t.h., hús við Hverfisgötu í forgrunni. „Þrengra sjónarhorn af sömu mynd er JJD1-169. Myndin var prentuð í tímaritinu ÆGIR 3tbl. 1970, bls 51, með texta sem ber með sér kunnugleika. Þar segir að myndin sé tekin af Sigríði Zöega eftir aldamótin 1900. Til vinstri er batteríið og þar sjáist olíuskúrar sem brunnu 1903. Af skipunum eru nefnd „Hejmdal“ til vinstri, en fyrir miðju er skotið af fallbyssum um borð í frönsku korvettunni LA MANCHE til heiðurs Magnúsi Stephensen landshöfðingja sem var í heimsókn um borð. LA MANCHE var reyndar ekki korvetta, heldur sérstakt fyrirbrigði sem Frakkar kölluðu Aviso-Transport. Þetta voru seglskip með gufuvél, sem höfðu heldur lítið hernaðargildi, en voru notuð sem eftirlitsskip. til hafrannsókna, kortagerðar og, og eins og nafnið bar með sér, var líka hægt að nota þau til flutninga. LA MANCHE var 1600 tonna tréskip, smíðað 1885-1890, og var aðalskipið hér við land 1898 til 1904. LAVOISIER tók við 1905. Þá var það sent til Víetnam til sjómælinga. Var tekið úr notkun 1920.“ (BÞ 2020)