Prammi

01.01.1913

In preservation at

5. Ísland. Skip á legu, bæði skútur, togari og þriggja mastra danskt seglskip sem er með pramma á dekki. Annar minni prammi er á sjónum við seglskipið og tvö áraskip eru upp við skipið. Hugsanlega er verið að flytja pramman af skipinu og niður í sjó. Greina má nafn skipsins aftan á því ADELHEID? BREMEN? Á tveimur skútum sjást einkennisstafir RE 10 vinstra megin við seglskipið og RE 7 hægra megin við það. „..mér virðist það geta verið að kútterinn lengst til vinstri sé RE 10 (GUÐRÚN ZÖEGA). Næsta skip virðist vera RE 18 (BJÖRGVIN). Framan við stefni ADELHEID er togarinn ALBATROS (eftir lengd nafnsins að dæma). Kútterinn lengst til hægri virðist vera GK2 (RÓBERT). Af þessum skipum á maður ekki von á að sjá kútter BJÖRGVIN RE 18 þarna, þar sem hann var í eigu DUUS verslunar í Reykjavík. Maður hefði frekar búist við að sjá FRÍÐU RE 13 þarna, en númerið virðist frekar vera 18 en 13. Adelheid sökk 22 apríl en var náð upp í byrjun júlí. Kútterarnir eru „afreiddir“, það er að segja, búið að taka niður reiðann fyrir vetrarleguna. BJÖRGVIN og RÓBERT voru gerðir út 1913 en GUÐRÚN ZÖEGA ekki.“ (BÞ 2018)