Togari

01.01.1930 - 01.01.1942

In preservation at

Tekið um borð í togara og sést er verið er að tæma "pokann". Þrír menn eru að þeirri vinnu beggja vegna pokans. Sá fjórði við mastur. Í forgrunni kassar (hólf), vír frá spili og tágakarfa. Vinnuljós hanga yfir þilfari. Klæðnaður mannanna er stakkur, bússur og derhúfur. Hér er verið að tæma "pokann", þ.e. hluta af trollinu. Ef mikill fiskur var í trollinu var því skipt í "poka". Byrjað var fremst og sá hluti trollsins hífður um borð og tæmdur. Að því búnu var það látið út aftur og tekinn nýr poki og þannig koll af kolli uns trollið var tæmt. Vinnuljósin kallast "sólir". Menn á mynd taldir frá vinstri: 1) Júlíus Andrésson, háseti. 2) Jón Ólafsson, háseti. 5) Gæti verið Guðmundur Sófús Ólason, háseti. Ath. að einn maður liggur á dekkinu og stingur höfði niður í lestarop. ATHS. Það var pokinn sem hífður var um borð og hann var tæmdur í áföngum (skipt upp) ef afli var það mikill. Hér er búið að leysa pokahnútinn og aflinn sturtast á dekkið. Á netinu sést ljós pjatla. Þar er um að ræða skinn sem pokinn var klæddur með að neðan til að hlífa honum við skemmdum frá botni. Hindra að hann rifnaði. Pokinn sést liggja á mjög gildum vírum, s.k. bakrób, og voru þeir ætlaðir til að taka á móti pokanum þegar hann var hífður um borð til tæmingar. Að öðrum kosti hefði pokinn farið yfir á hina síðuna. Bakróburinn náði frá borðstokk og í forgálga.