Bygging

01.01.1945 - 01.01.1953

In preservation at

Fiskiskipið Edda GK 25 á Hafnarfirði. Aftan við það tveir nótabátar með mannskap í. Hvaleyrarholt í baksýn en þar sjást nokkrir olíutankar og fáein hús. Syðri hafnargarðurinn t.h. EDDA GK 25, eikarskip smíðað í Skipasmíðastöðinni Dröfn h.f. í Hafnarfirði 1944, 184 brt., eigandi Einar Þorgilsson og Co. h.f. í Hafnarfirði. Varð FRÓÐI GK 480 árið 1954, eigandi Fróði h.f., Ytri-Njarðvík. SIGURKARFI GK 480 frá 1958, sami eigandi. Ónýtur og tekin af skrá 5.11. 1970. (Siglingarmálastofnun, Skipaskráningarskjöl) Sjá ennfremur: "Edda GK 25 var smíðuð í Skipasmíðastöðinni Dröfn í Hafnarfirði árið 1944 fyrir Einar Þorgilsson & Co h/f í Hafnarfirði. Eik. 184 brl. 378 ha. Ruston díesel vél. 17 nóvember árið 1953, þegar skipið var statt 300 metra frá bryggju í Grundarfirði, lagðist það á hliðina og sökk síðan. 15 af 17 skipverjum komust á kjöl. 11 af þeim björguðust yfir í annan nótabátinn og barst hann að landi eftir mikla hrakninga skammt frá bænum Suðurbár í Grundarfirði. Var mönnunum síðan hjálpað heim að bænum. En áður en þangað var komið höfðu 3 skipverjar látist af vosbúð, 2 í nótabátnum og síðan 1 eftir að í land var komið. Það urðu því 9 manns af 17 manna áhöfn sem fórust. Í febrúar 1954 var skipið kjölrétt og dregið upp í fjöru og þétt þar. Síðar var skipið dregið til Reykjavíkur og endurbyggt þar. Skipið var selt 1954-55, Fróða h/f í Ytri Njarðvík, hét Fróði GK 480. Frá 17 febrúar hét skipið Sigurkarfi GK 480, sömu eigendur. Talið ónýtt og tekið af skrá 5 nóvember árið 1970. Skipið var að lokum brennt í ágúst árið 1972." (http://thsof.123.is/blog/yearmonth/2016/11/. Skoðað 23. júkí 2021). Sjá einnig: https://timarit.is/page/1019442#page/n0/mode/2up. Skoðað 23.7 2021.