Gufuketill, í skipi

01.01.1946

In preservation at

Vélarrúm í skipi. Vél, mælar, hjól, stengur, leiðslur. Maður með kaskeyti og á nankinsjakka og buxum. Heldur á smurkönnu og er að smyrja. Heldur hinni hendinni í hjól. Vélin er í gangi. Gufuketill í bakgrunni. Tekið um borð í Helgafelli VE 32, sem áður hét Surprise GK 4. Björg Áróra Hallgrímsdóttir, Austurbrún 2, Rvk. (áður Ljósheimum 11, Rvk.), á kópíu af þessari mynd. Hún er ekkja Halldórs Dagbjartssonar, kyndara á Helgafelli, en einnig stundum 2. vélstjóri. Aftan á kópíu hennar stendur að myndin sé tekin á Surprise árið 1945. GÁ var aldrei á skipinu með þessu nafni, en hins vegar eftir að skipt hafði verið um heiti. (Sbr. Þjskjs. Skipaskjöl Gull. - Kjós. Skipshafnarskrár 1946). Tímasetning myndarinnar miðast við þetta. Maðurinn á myndinni er Olgeir Eggertsson, 1. vélstjóri. Olgeir stendur við skiptivélina. Skiptistöng er framan við hjólið sem hann heldur í. Gufuketillinn er á bak við, en myndin er tekin fram eftir skipinu. Lítið box neðan við þrýstimæla er s.k. smurapparat. Slík tól munu ekki hafa verið tekin í notkun um borð í skipum fyrr en í styrjöldinni 1939-1945. Litla hjólið (ofan þess stóra sem Olgeir heldur í) er s.k. höfuðloki, en með honum var stjórnað gufuafli til vélar. Hún er sögð vera af tegundinni Holmes. Heimildarmenn: Gísli Guðmundsson, Austurgötu 9, Hafnarf. Myndin birtist í bókinni Heiðurskarlar, bókarauka bls. 32. Þar er hún sögð vera úr vélarrúminu á Ver GK 3 árið 1924. Þetta er rangt með farið sbr. það sem kemur fram hér að ofan.