Armband

01.01.1924 - 01.01.1926

In preservation at

Þrír menn standa samsíða á þilfari togara á móts við brúarvæng. Lanterna skagar út frá brúarvæng sem er rekkverk. Allir með derhúfur, á bússum og búllum. Einn á smekkbuxum og ber hlekkjafesti (armband) á úlnlið. Sér fram eftir skipinu. Net úr trolli á og við borðstokk. Mannskapur talinn frá vinstri: 1) Jón Níels Jóhannsson, háseti, Ármannssonar úrsmiðs í Reykjavík. Stundaði síðar ýmsa vinnu í Rvk. 2) Bjarni Magnússon, háseti. Síðar togaraskipstjóri. Frá Gesthúsum á Álftarnesi. 3) Þorsteinn Eyjólfsson, háseti. Síðar togaraskipstjóri frá Hafnarfirði. Heimildarmaður. Heimildarmaður einnig Jón Jónsson í Deild, Vesturbraut 8, Hafnarf. Tímasetning sbr. GÁ 46, ennfremur sbr. það að Þorsteinn starfaði á Ver 1924-1926. Myndin birtist í bókinni "Heiðurskarlar", bókarauka bls. 35. Þar segir að hún sé tekin um 1925. Ath. maður lengst til vinstri er með kopararmband um úlnlið sér. Slíkir gripir voru ætlaðir til að koma í veg fyrir útbrot og þ.h. á úlnliðum. (Sbr. GÁ 425). Kópía er á Byggðarsafni Hafnarfjarðar, skráð af Magnúsi Jónssyni safnverði. Upplýsingum hans ber saman við það sem hér greinir. Skipið er togarinn Ver GK 3 (viðbót 2021).