Belgur, óþ. notk.

01.01.1930 - 01.01.1939

In preservation at

Um borð í togara að veiðum. Sér á hann stjórnborðsmegin fram að hvalbak. Sjóklæddir menn á dekki. Margir þeirra við borðstokk að fást við trollið sem flýtur við skipshlið með afla í. Toghleri í gálga. Belgir áfastir trolli. Belgir eru festir á trollið (belginn) til að halda því uppi í sjó, frá botninum. Voru þeir einkum hafðir þar sem aðstæður á botni voru slæmar. Hér var um að ræða bikaða strigabelgi, en ekki þoldu þeir mikið dýpi. Mest um 100 faðma. Ef dýpra var farið lögðust þeir saman. Sjómenn við borðstokk eru að taka slakann af belgnum til að geta tekið inn nýjan poka. Sennilega er ætlunin að koma snörlu á, en hvort hún var notuð fór eftir aðstæðum. Hér er búið að taka inn einn eða fleiri poka og verið að undirbúa að tæma meiri afla úr trollinu. Mannskapur við borðstokk taldir frá ljósm: 1) Gísli Sigurðsson, háseti. 2) Kristinn Þorsteinsson, háseti. 3) Jón Ólafsson, háseti. 4) Magnús Magnússon ? háseti. 5) Árni Elísson, háseti. Maður sem heldur í línu inn á dekkinu á móts við spilkopp gæti verið Júlíus Sigurjónsson, háseti. Viðbót 2021: Skipið er togarinn Garðar GK 25.