Borð

01.01.1930 - 01.01.1935

In preservation at

Fólk að vinnu við saltfiskpökkun. Í forgrunni saltbingir, saltfiskstæða sem dregin hefur verið af ábreiðan. Karlmenn á stökkum og með sjóhatta, en sumir á jökkum, konur með skuplur. Ein að sauma utan um saltfisk. Borð, búkki, handvagn, yfirbreidd saltfiskstæða (á bak við fólkið). Hús í bakgrunni. Hér er verið að meta fisk og pakka á fiskverkunarstöð Einars Þorgilssonar í Hafnarf. Handvagnarnir voru smíðaðir árið 1930 og keyptir á 100 kr. stykkið hjá Kristni vagnasmið í Reykjavík. Voru 12 stk. pöntuð í einu. Hann bjó á Frakkarstíg. Kona með dökka skuplu að sauma er Kristín Einarsdóttir (tengdamóðir Þorsteins Eyjólfssonar, Hafnarf.). Hús á meðfylgjandi ljósriti: A) Hús Kristins Vigfússonar, fátækarfulltr. BSR - hús um tíma. Nú eign Alþýðubandal. B) Hús Guðjóns Magnússonar, skósmiðs, nú búið að rífa það. C) Hús Ingvars Guðmundssonar, sem um tíma var stýrimaður á kútter Surprise. Nú í eigu Brunabótafélags Íslands. D) Hús Theódóru greiðasölukonu. Síðar eign Magnúsar Snorrasonar, skipstj. E) Hús Einars Þorsteinssonar, sem lengi var háseti á kútter Surprise. Húsin eru við Strandgötu í Hafnarfirði.