Order a photo Terms of Use

Belti

1952

In preservation at

National Museum of Iceland

Svart belti sem fylgir telpuupphlut nr. Þjms. 2011-9-12. Beltið er einfalt og óskreytt og hefur væntanlega verið krækt saman með tveimur krækjum (sbr. belti Þjms. 2011-9-11) en þær eru nú farnar af. Beltið er í nokkuð góðu ástandi en hefur eilítið skemmst og trosnað til endanna. Auk beltisins fylgir búningnum svunta (Þjms. 2011-9-13). Búningurinn var saumaður af móður gefanda, Svövu Guðjónsdóttur frá Kýrunnarstöðum (f. 1903) og móðursystur, Þuríði Guðjónsdóttur frá Kýrunnarstöðum (f. 1905) á systur gefanda, Hjördísi Karvelsdóttur (f. 1942), þá níu ára gamla. Svava og Þuríður saumuðu slíka upphlutsbúninga á gefanda og tvær systur hennar árið 1952 í tilefni sextugsafmælis frænda þeirra, Jens Bjarnasonar í Ásgarði (f. 3.6.1892). Þær voru frá áramótum 1951/1952 að sauma búningana. Þær höfðu lært að sauma af móður sinni, Sigríði Jónsdóttur á Kýrunnarstöðum (f. 1875) en hún hafði numið að Ytri-Ey, rétt fyrir aldamótin 1900. Upphluturinn er í góðu ástandi. Sjá einnig búning nr. Þjms. 2011-9-8, 9, 10, 11 sem er búningur gefanda. Búningur þriðju systurinnar, Sigríðar, hefur ekki varðveist. Einnig fylgja afgangar af efnunum sem notuð voru í saumaskapinn (Þjms. 2011-9-15).