Togari

01.01.1930 - 01.01.1939

In preservation at

Tekið um borð í togara að veiðum. Sér á skipið innanvert frá keis og fram eftir, en ekki efri hluta brúar. Sjóklæddir menn á þilfarinu, sumir halla sér yfir borðstokkinn og hyggja að trollinu, hinir í hnapp framar á dekkinu. Um borð í Garðari á tímabilinu 1930-1939, enda er fáni ekki málaður á brúarvæng. Verið er að taka inn trollið. Næstaftasti maður á skipinu (við borðstokk) er Kristinn Þorsteinsson, háseti. Þriðji maður frá ljósmyndara (við borðstokk) er Jón Ólafsson, háseti. Hleri sem sést lengst t.v. er ventill úr "fírplássi". Var notaður til að hella út ösku. Fremst á mynd sést kaðall liggja frá keis og að borðstokk (trollinu). Kallaðist hann "róbur" og sést glöggt hvernig hann er festur í blökk á keisnum. Þegar verið var að taka trollið inn var því fest á þennan hátt. Tímasetning sbr. 91. Viðbót: Menn við borðstokk virðast vera að draga slaka af belgnum, toga hann inn, til þess að þrengja að aflanum í honum. Við það rann hann í pokann, en oft var sett s.k. snarla á belginn, vír eða tóg, sem brugðið var utan um hann, og síðan dregið í belgin með vír frá spilkopp. Sá vír var dreginn í blökk á brúnni annað hvort bak- eða stjórnborðs megin.