Gufuskip

01.01.1920 - 01.01.1930

In preservation at

Síðutogari, gufuknúinn, á siglingu úti á rúmsjó. „Þetta er sama mynd og er á póstkortinu sem merkt er með númerinu: A-Lpr/B-1988-13-21. Á það póstkort er prentað nafn togarans Þorgeirs skorargeirs GK 448 frá Viðey, áður Ýmir GK 448 frá Hafnarfirði. Þetta skip hét seinna Kópur RE 33 og svo Þorfinnur RE 33 uns það var selt til Færeyja 1946.Myndin var notuð í tóbaksseríunni 1930 og má einkennilegt heita að notuð hafi verið röng mynd. Samt hlýtur svo að vera.Skipið á myndinni er með öðruvísu brú en Ýmir var með. Allir þrír togararnir sem voru smíðaðir í Þýskalandi 1914-5 (Rán, Ýmir og Víðir) voru með brú sem ekki var manngengur brúarvængur fyrir framan. Skipið á þessari mynd er með nákvæmlega sama "prófíl" og togararnir fjórir sem voru smíðaðir 1920-22 í Þýskalandi fyrir íslendinga. Því tel ég víst að þetta sé eitt þeirra.“ (BÞ 2014) „Þetta er eitt fjögurra systurskipa sem voru smíðuð fyrir íslendinga í Þýskalandi 1920-22: Það voru Baldur RE 244, Otur RE 245, Gulltoppur RE 247 og Glaður RE 248.“ (BÞ 2014) „Það má þrengja hringinn aðeins meira. Þetta er annaðhvort Baldur eða Otur. Gulltoppur og Glaður voru með loftskeytastöngina aftan á afturmastrinu.“ „Nú er frummyndin komin fram; GÁ-3040. Samkvæmt merkingu hennar er þetta BALDUR.“ (BÞ 2016)