Order a photo Terms of Use

Svunta

1952

In preservation at

National Museum of Iceland

Svunta úr ljósbláu lérefti sem fylgir telpuupphlut nr. Þjms. 2011-9-8. Svuntan er hneppt vinstra megin að aftan með hvítri plasttölu. Í henni eru smávægilegir blettir en annars er hún í mjög góðu ástandi. Auk svuntunnar fylgja búningnum blússa (Þjms. 2011-9-9) og belti (Þjms. 2011-9-11). Búningurinn er af gefanda frá því hún var 6 ára gömul. Búningurinn var saumaður af móður hennar, Svövu Guðjónsdóttur frá Kýrunnarstöðum (f. 1903) og móðursystur, Þuríði Guðjónsdóttur frá Kýrunnarstöðum (f. 1905). Þær systur saumuðu slíka upphlutsbúninga á gefanda og tvær systur hennar árið 1952 í tilefni sextugsafmælis frænda þeirra, Jens Bjarnasonar í Ásgarði (f. 3.6.1892). Þær voru frá áramótum 1951/1952 að sauma búningana. Þær höfðu lært að sauma af móður sinni, Sigríði Jónsdóttur á Kýrunnarstöðum (f. 1875) en hún hafði numið að Ytri-Ey, rétt fyrir aldamótin 1900. Upphluturinn er í góðu ástandi. Sjá einnig búning nr. Þjms. 2011-9-12, 13, 14, sem er af systur gefanda. Búningur þriðju systurinnar, Sigríðar, hefur ekki varðveist. Einnig fylgja afgangar af efnunum sem notuð voru í saumaskapinn (Þjms. 2011-9-15).