Brunnhús, f. mjólk

01.01.1870 - 01.01.1880

In preservation at

Þingeyri við Dýrafjörð. Á lausu blaði sem fylgir myndinni nú er eftirfarandi texti: Þessi mynd af Þingeyri mun tekin fyrir 1890. Á miðri mynd er brunnhús faktorsins. F.v. Gamla beykishúsið var síðar þar sem burstabærinn er. Þá er gamla pakkhúsið frá 1733. Niðri er geymt salt sem, skúturnar skiluðu á haustin, uppi var timburgeymsla og í risi, opin í annan endan var geymt uppsátur úr skipunum. Næst er faktorshúsið, Wendelshús, síðar verslunarhús N. Chr. Grams og þá "gamla búðin", var í öðrum enda hennar niðri smiðaverkstæði en kolageymsla í hinum. Uppi var öðru megin íbúðir verkafólks en hinum megin seglasaumaraverkstæði. Lengst í burtu er lýsisbræðsla, en jafnan voru tvær skútur gerðar út á hákarl. Við hliðina á bræðslunni er fiskhús. Skipið lengst t.h. er franskt herskip, en þau vöndu mjög komur sínar í Dýrafjörð á þessum árum. Þessi texti er líklega eftir Gunnar Hvammdal Sigurðsson veðurfræðing. Eina athugasemdin við hann er sú að ætla má að myndin sé tekin fyrr en hann ætlar eða á milli 1870 og 1880 því hún er tekin af Friðrik Löve.