Félagasamtök

01.01.1962 - 01.01.1963

In preservation at

Ljósmynd í gylltum ramma af stjórn Slysavarnarfélags Íslands. Í fremstu röð, þriðja frá vinstri (í miðju) er Rannveig Vigfúsdóttir Hafnarfirði, kona Sigurjóns Einarssonar skipstjóra og síðar forstjóra DAS. Í aftari röð, fyrstur frá vinstri, er Jón Halldórsson afi gefanda. Gefandi þekkti aðeins afa sinn á myndinni en skrásetjari þekkti Rannveigu. Magnús Jónsson fyrrv. safnvörður í Hafnarfirði skoðaði myndina 11. 10. 1995 og þekkti fyrrgreindar persónur. Magnús er fæddur og uppalinn í Hafnarfirði, glöggur á fólk, og má því telja fullvíst að myndin sé ekki af stjórn Fiskakletts eins og talið var í fyrstu. Pappinn eða kartonið, sem myndin er límd á, er merkt Stjörnuljósmyndum en þar fyrir neðan stendur E. Th. að því er virðist. Myndina átti upphaflega Jón Halldórsson og síðan Ólafía dóttir hans. Hékk hún til skamms tíma á heimili Ólafíu, síðast þó í geymslu. Jón Halldórsson og Rannveig Vigfúsdóttir voru meðstjórnendur á sama tíma í Slysavarnarfélagi Íslands 1962-1963.