Einkennisbúningur, skráð e. hlutv.
1997 - 2010
In preservation at
National Museum of Iceland
Einkennisbúningur fangavarðar: a. jakki, b. buxur, c. bindi. Búningurinn er dökkblár (45% ull, 55% polyester) og er af þeirri gerð sem tekin var í notkun árið 1997 og er enn notuð (árið 2011). Jakkinn er hnepptur með þremur gylltum hnöppum með upphleyptu íslenska skjaldarmerkinu á. Í kragann eru að auki fest tvö gyllt skjaldarmerki. Fremst á hvorri ermi eru tvær gylltar rendur og þrír hnappar, eins og hinir hnapparnir en minni. Ofan við brjóstvasa er gyllt númer: 7304 en það var starfsnúmer gefanda (hann hóf störf árið 1973 og var þá sá fjórði). Fötin eru af vörumerkinu FASA Reykjavík (framleiðandi: Fatasalan ehf.). Fangavarðabúningar eru sérsaumaðir á hvern og einn vörð. Bindið er svart (100% polyester). Á því er klemma til að festa bindið við skyrtu. Í bindið er fest næla, stjarna merkt Lögregluskóla Ríkisins. Búningurinn er í mjög góðu ástandi. Í bindinu er eilítill blettur. Sjá ennfremur einkennisbúning nr. 2011-87-17 sem er sömu gerðar og þessi og skyrtur nr. 2011-87-18 og 19.
Gripirnir númer Þjms. 2011-87 eru allir úr eigu Gunnars Vals Jónssonar og tengjast starfsferli hans en hann vann sem fangavörður í 35 ár. Hann hóf starfsferil sinn á Litla-Hrauni árið 1973. Fluttist svo til Reykjavíkur og starfaði í Hegningarhúsinu á Skólavörðustíg, í Síðumúlafangelsi og í Kvennafangelsinu. Hann vann svo aftur um stutt skeið á Litla-Hrauni en lauk starfsferli sínum svo í Hegningarhúsinu. Gunnar var einn af aðalstofnendum Fangavarðafélags Íslands þann 21. október 1973. Með gripunum fylgja þrjár litmyndir af Gunnari í fangavarðabúningum.
Main information
Dating
1997 - 2010
Material
Object-related numbers
"Museumnumber b": 2011-87-2
Record type
Collection
Undirskrá: Munasafn
Keywords
Keyword: Einkennisbúningur, skráð e. hlutv.