Einkennisbúningur, skráð e. hlutv.
1980 - 1997
In preservation at
National Museum of Iceland
Einkennisbúningur fangavarðar: a. jakki, b. buxur, c. vesti og d. bindi. Búningurinn er svartur (45% ull, 55% polyester). Þetta er búningur af þeirri gerð sem fangaverðir notuðu á árunum 1980-1997. Jakkinn er hnepptur með þremur gylltum hnöppum. Á hvorri ermi eru þrír samskonar gylltir hnappar, en minni. Á brjóstvasa eru tvær gylltar stjörnur og á milli þeirra númerið 1. Vestinu er hneppt með fimm gylltum hnöppum og á því er einnig gyllt stjarna og númerið 1. Bindið er einlitt, svart (100% polyester), framleitt í Englandi. Það er með klemmu til að festa við skyrtu. Fötin eru merkt vörumerkinu FASA Reykjavík (Fatasalan ehf.). Búningar fangavarða eru sérsaumaðir á hvern og einn. Búningurinn er í mjög góðu ástandi.
Gripirnir númer Þjms. 2011-87 eru allir úr eigu Gunnars Vals Jónssonar og tengjast starfsferli hans en hann vann sem fangavörður í 35 ár. Hann hóf starfsferil sinn á Litla-Hrauni árið 1973. Fluttist svo til Reykjavíkur og starfaði í Hegningarhúsinu á Skólavörðustíg, í Síðumúlafangelsi og í Kvennafangelsinu. Hann vann svo aftur um stutt skeið á Litla-Hrauni en lauk starfsferli sínum svo í Hegningarhúsinu. Gunnar var einn af aðalstofnendum Fangavarðafélags Íslands þann 21. október 1973. Með gripunum fylgja þrjár litmyndir af Gunnari í fangavarðabúningum.
Main information
Dating
1980 - 1997
Material
Object-related numbers
"Museumnumber b": 2011-87-1
Record type
Collection
Undirskrá: Munasafn
Keywords
Keyword: Einkennisbúningur, skráð e. hlutv.