Stóll, úr kirkju
1899
In preservation at
National Museum of Iceland
Stóll úr bænhúsinu í Furufirði á Ströndum. Stóllinn er fremur einfaldur að gerð, með fjórum fótum, ferhyrndri setu sem samett er úr fjórum misbreiðum fjölum og í bakinu eru fimm pílárar. Hann hefur verið viðgerður, þ. e. ein fjölin í setunni og einn pílárinn í bakinu. Hann er málaður rauðbrúnn en málningin er nú orðin nokkuð máð. Stóllinn (stólbakið) er 77 á hæð og setan er 40,2 cm breið og 40,8 cm á dýpt. Stólinn smíðaði Jón Elíasson, bóndi í Bolungavíkurseli í Grunnavíkurhreppi (f. 1865, d. 1945). Hann er smíðaður úr rekaviði og í stólfæturna er notaður kjangi, en svo nefnast spírurnar á rótarhnyðjum. Kjangi var mikið notaður í kollarðar og bönd í bátum og var þá hægt að velja sér spíru sem féll vel að því lagi sem þurfti og ekki þörf á að saga í viðinn - þannig er efnið mun sterkara en þegar sagað er þvert á. Einnig er ljóst að Jón hefur ekki átt rennibekk þegar hann smíðaði stólinn því pílárarnir í bakinu eru greinilega mótaðir með hefli. Seinna eignaðist Jón rennibekk og renndi skálar sem enn eru til. Stólinn mun Jón hafa smíðað fyrir aldamótin 1900 og var hann síðan í bænhúsinu í Furufirði um áratugi, líklega frá upphafi og allt fram um 1970. Þá var hann fjarlægður úr húsinu en Guðfinnur Jakobsson í Reykjarfirði tók stólinn til handargagns og gerði við hann af sinni alkunnu snilld og færði Jóhannesi Péturssyni (f. 1922, d. 2000) hann um 1980. Jóhannes var dóttursonur Jóns Elíassonar. Stólinn komst síðan í eigu gefanda árið 2000. Bænhúsið í Furufirði var reist árið 1899 og í því eru fáir gripir. Stóllinn hlýtur að hafa verið í öðru hvoru skotinu við kórinn, því utar í því eru bekkir.
Main information
Dating
1899
Material
Object-related numbers
"Museumnumber b": 2012-81
Dimensions
77 x 40.2 x 40.8 cm
Lengd: 77 Breidd: 40.2 Hæð: 40.8 cm
Place
Núverandi sveitarfélag: Ísafjarðarbær, Ísafjarðarbær
Record type
Collection
Undirskrá: Munasafn
Keywords
Keyword: Stóll, úr kirkju