Order a photo Terms of Use

Archaeology Remain

1923

In preservation at

Reykjavík City Museum

Suðvestur hlið hússins er greinileg (8 x 2 m) og garðlag (6 x 1 m) í beinu framhaldi af henni til suðausturs en ekki var hægt að greina suðausturhlið. Annað garðlag (6,7 x 1,8 m) er 2,5 m suðaustan við og gæti hafa verið hluti af stokknum sem talað er um í örnefnaskrá. Mosa og grasivaxið. Á mótum veggjar og garðlagsins vex tré nánast lárétt til norðurs. Á votlendu svæði vestan við Heimalæk, um 37 m norðvestur af göngubrú yfir lækinn og 60 m norður af Þingnesvegi eru tóftir klakhúss frá 1923. Á austurbakka lækjarins 20 m suðaustan við er yngra klakhús (214-27) frá 1927, sem er í betra ásigkomulagi. Klakhús var fyrst byggt vestan megin við Heimalæk, þegar vatnsborð Elliðavatns var hækkað með stíflu flæddi inn í það og annað var byggt þá vestar og fjær vatninu. Í örnefnaskrá yfir Elliðavatn segir: „Tvö klakhús voru byggð í Heimalæknum og sjást greinilegar tóftir enn. Eldra húsið byggði Þórður frá Svartárkoti í Bárðardal, árið 1923. Hann var á vegum Búnaðarfélagsins. Tóft þessa klakhúss er niðri undir vatninu, vestan megin lækjarins. Húsið var byggt á bakkanum og tekinn stokkur úr læknum. Hitt húsið var byggt 1927 af Ólafi Sigurðssyni frá Hellulandi, starfsmanni Búnaðarfélagsins. Þá var rafveitustíflan gerð, og yfirborð vatnsins hækkaði; vatnið flæddi upp í klakhúsið frá 1923, og varð því að byggja annað heldur ofar og austan við lækinn.“[1] Klakhúsin eru bæði greinileg á loftmynd frá 1954.[2] Þegar klakhúsin voru skráð 1994 voru tveir veggir greinanlegir á eldra húsinu, suðvesturhlið og suðausturhlið.[3] [1] Stofnun Árna Magnússonar: Örnefnasafn. Örnefnalýsing yfir Elliðavatn. Heimildarmaður Christian Zimsen. Skrásetjari Guðrún Þóra Guðmannsdóttir, bls. 10. [2] Náttúrufræðistofnun. Loftmyndir: 1954-07-28. Svæði 27. Elliðavatnsheiði Hlíðnes. Mynd: L12-0239. [3] Bjarni F. Einarsson, Fornleifaskrá Reykjavíkur, bls. 99. Kort: 1613 III SV: 62-09