Order a photo Terms of Use

Elliðavatnsfjárhús

1850 - 1900

In preservation at

Reykjavík City Museum

Lýsing: Fjárhústóftirnar eru grjóthlaðnar, þrjú samsíða fjárhús (17 x 12 m) og hlaða (13 x 5 m) sem liggur þvert á austurgafl tveggja fjárhúsanna, hrunið er úr suðaustur horni hlöðunnar. Fjárhúsin eru með grjótgarði eftir miðjunni, um 0,6 m á breidd og 0,2–0,4 m á hæð undir jötur, veggir standa almennt vel, en vestasta tóftin mest gróinn. Gólf eru niðurgrafin. Dyr eru á vesturgöflum fjárhúsanna og innangengt er úr syðsta og miðjuhúsinu inn í hlöðuna. Veggir í tóft eru úr tilhöggnu hleðslugrjóti, um 1,0–2,0 m á breidd og 0,3–1,0 m á hæð, mest 6 umför. Garðlag (6 x 2,7 m) liggur í sveig út frá norðaustur horni hlöðunnar. Norðan við er jarðlæg lítil grasi gróin tóft. Liggur nánast austur vestur, vesturgafl opinn, stærð (5 x 3,5 m). Tóftir Elliðavatnsfjárhúsa eru brekkubrún eða ás á því svæði sem er nefnist Hjallar um 220 m suðaustur af Vatnsvík og um 77 m suðvestur af ærhústóft (214-45). Austan við húsið er brött brekka (misgengi) þar eru greinilegar reiðgötur (214-130). Í örnefnaskrá fyrir Elliðavatn segir: „Fyrir vestan Elliðavatnsfjárhús er tóft eftir ærhús frá Elliðavatni yfir 240 ær. Þar voru þrjár krær og hlaða á bak við tvær þeirra.“[1] Í dómabók Gullbringu og Kjósarsýslu árið 1884 er fjárhúsið nefnt Elliðavatnsfjárhús og er þá undir þaki [2] [1] Stofnun Árna Magnússonar: Örnefnasafn. Örnefnalýsing yfir Elliðavatn. Heimildarmaður Christian Zimsen. Skrásetjari Guðrún Þóra Guðmannsdóttir, bls. 5. [2] Þjóðskjalasafn Íslands. Dómabók Gullbringu og Kjósarsýslu 1874–1886, bls. 155–156.