Fermingarkjóll
1942
In preservation at
National Museum of Iceland
Fermingarkjóll úr ljósu (rjómalitu) sirsi. Kjóllinn er síðerma, skósíður og pilsið víkkar mjög niður. Um miðjan kjól að framanverðu er sniðið stykki sem gengur í spíss eða odd að ofan- og neðanverðu. Frá hálsmáli og niður að miðjustykkinu eru rykkingar. Á öxlum eru einnig rykkingar og þar undir axlapúðar. Ermarnar eru því svonefndar púffermar. Kjóllinn er hnepptur við hálsmál að aftanverðu með einum yfirdekktum hnappi. Í mittið, í báðar hliðar, eru saumaðir borðar úr sama efni og kjóllinn sem binda á í bakið. Ermarnar ganga fram í odd fremst (sem leggst fram á handarbakið) og eru smelltar með einni smárri smellu hvorum megin. Nokkur örsmá göt eru á kjólnum en annars er hann í góðu ástandi.
Gefandi, Guðrún Sigurmundsdóttir, fermdist í kjólnum í Eyrarbakkakirkju 24.5.1942. Þá tíðkaðist að stúlkur klæddust síðum, hvítum eða ljósum kjólum við fermingu. Sú hefð breyttist með tilkomu fermingarkyrtlanna, sem séra Jón M. Guðjónsson innleiddi árið 1954. Þeir voru eins og kyrtlarnir sem notaðir eru við fermingar enn í dag (sjá nánar um þá í bók Árna Björnssonar Merkisdögum á mannsævinni). Hvítu fermingarkjólarnir voru gjarna notaðir í kirkjunni en síðan farið í eftirfermingarkjól. Þennan kjól saumaði Guðfinna Árnadóttir í Akri á Eyrarbakka. Gefandi, sem fædd er í Einarshöfn á Eyrarbakka, óskaði eindregið eftir að kjóllinn færi til Þjóðminjasafnsins.
Main information
Guðfinna Árnadóttir Blöndal, Attributed
Guðrún Sigurmundardóttir, Used by
Donor: Guðrún Sigurmundardóttir
Guðrún Sigurmundardóttir, Used by
Donor: Guðrún Sigurmundardóttir
Dating
1942
Material
Object-related numbers
"Museumnumber b": 2012-40
Dimensions
142 x 0 cm
Lengd: 142 cm
Place
Núverandi sveitarfélag: Sveitarfélagið Árborg, Sveitarfélagið Árborg
Record type
Collection
Undirskrá: Munasafn
Keywords