Kjólföt
1930 - 1950
In preservation at
National Museum of Iceland
Kjólföt úr svörtu ullarefni. Jakki, buxur og vesti. Þau eru saumuð af Vigfúsi Guðbrandssyni klæðskerameistara í Reykjavík, væntanlega á árabilinu 1930-1950. Þau eru með hefðbundnu kjólfatasniði. Jakkinn er með sex hnöppum að framan, þremur hvorum megin. Þrír minni hnappar eru á hvorri ermi og að aftanverðu, efst við klaufina, eru tveir hnappar. Á jakkanum er einn brjóstvasi að utanverðu og tveir að innanverðu. Ermar eru fóðraðar með hvítu efni en jakkinn sjálfur er með svörtu fóðri. Það er nú farið að slitna nokkuð og í það komnar saumsprettur. Efst við innanvert hálsmál er svartur borði með gylltri áletrun: VIGFÚS GUDBRANDSSON KLADSKERI. Vestinu er hneppt með fjórum hnöppum. Á því eru tveir vasar að innanverðu og einn að innanverðu. Fóðrið er hvítt. Á buxunum eru mynstraðir borðar niður með skálmum utanverðum. Buxnaklauf er hneppt aftur með fimm tölum. Það eru vasar í hliðum og einnig rassvasar. Við buxurnar eru hneppt axlabönd, einnig svört. Fóðrið í jakkanum er sem fyrr segir orðið viðkvæmt og nokkuð slitið. Annars eru fötin í góðu ástandi þó sjá megi á þeim eðlilegt slit af notkun.
Fötin átti Jóhann B. Hjörleifsson, vegaverkstjóri og þingritari, sem var faðir gefanda.
Main information
Dating
1930 - 1950
Material
Object-related numbers
"Museumnumber b": 2012-4-1
Record type
Collection
Undirskrá: Munasafn
Keywords
Keyword: Kjólföt