Order a photo Terms of Use

Skeggbolli, drykkjarílát

In preservation at

Skógar museum

Skeggbolli úr postulíni með gylltum rósum og áletrun. Áletrun á þýsku: Deinen schönen Bart zu schutzen soll Dir diese Caffe mutzen. Bollann átti Túbal Karl Magnússon bóndi í Múlakoti Fljótshlíð. Soffía Túbals gaf Þórði Tómassyni bollann 10. 12. 1960. Skeggbollinn er yfirleitt talinn hafa verið fundinn upp af enska postulínsframleiðendanum Harvey Adams árið 1860. Frá 1860-1916 urðu menn í breska hernum samkvæmt reglugerð að láta sér vaxa yfirvaraskegg. Þetta gerði sumum te- og kaffidrykkja erfið, ekki bara því þeir áttu til að dýfa óvart skegginu í bollann, heldur því að flestir notuðu skeggvax. Heit gufan af drykkjunum átti til að bræða vaxið svo að yfirvaraskeggið missti alla lögun. Því datt Adams í hug að setja skegghlíf í bollana sem hann framleiddi, til að koma mönnum hjá slíkri skömm.