Sprotabelti
1904 - 1910
In preservation at
National Museum of Iceland
Stokkabelti með sprota. Beltið er með loftverki, úr gylltu silfri. Í beltinu sjálfu eru 8 stokkar, hver þeirra um 6,7 cm langur og um 3 cm breiður. Á öðrum enda er beltispar, samfast, sem mótast af tveimur kringlum með loftverki í sama stíl og stokkarnir. Loftverk þeirra byggist að mestu upp af sex blaða blómi fyrir miðju og í miðju blómsins er mannsandlit og út frá því ganga eins konar sólargeislar. Á milli kringlanna í beltisparinu er mannsmynd með borða fyrir lendum. Á hinum enda beltinsins er keðja sem mótast af sjö hringlaga hlekkjum og tveimur hálfhringum. Þar í endann var sprotinn festur. Hann er úr sjö stokkum, sams konar þeim sem eru í beltinu, og einum sprotaenda með eins loftverki og stokkarnir. Sprotaendinn er 12,4 cm langur en heildarlengd beltissprotans er 60,2 cm. Stokkarnir í beltinu og sprotanum eru stimplaðir númerinu 828 (sem er gæðastimpill silfursins, þ.e. 828/1000). Sprotaendinn og beltisparið eru að auki með smiðsstimplunum EM og ME sem eru stimplar feðganna Erlendar Magnússonar gullsmiðs (f. 1849, d. 1909) og Magnúsar sonar hans (f. 1885, d. 1932). Þeir smíðuðu mikið saman og merktu gripina með stimplum beggja. Sjá einnig sprotabelti nr. Þjms. 2013-33-3.
Gripirnir nr. Þjms. 2012-13 koma frá Ragnheiði Hafstein Reynisdóttur. Þetta er skautbúningur Ragnheiðar Hafstein (Stefánsdóttur Thordersen), eiginkonu Hannesar Hafstein ráðherra:
2012-13-1 skauttreyja
2012-13-2 pils
2012-13-3 möttull
2012-13-4 faldur
2012-13-5 blæja
2012-13-6 peysubrjóst
2012-13-7 stokkabelti
2012-13-8 spöng
2012-13-9 askja
Ragnheiður Hafstein ráðherrafrú var langamma gefanda. Búningurinn hefur síðan verið í eigu Ragnheiða í þessum legg fjölskyldunnar. Ragnheiður Thorarensen (Hafstein. f. 1903) eignaðist búninginn eftir móður sína. Síðar gekk búningurinn til gefanda sem nú ákvað að afhenda hann Þjóðminjasafninu til eignar og varðveislu.
Í Ljósmyndasafni Íslands í Þjóðminjasafni eru varðveittar ljósmyndir af Ragnheiði Hafstein ráðherrafrú í búningnum, sjá t.d. ljósmyndir nr. P.Br. 25050, 25104, 25105, 25106.
Gefandi afhenti ennfremur útsaumað veggtjald sem langamma gefanda, Alma Clara Margrethe Thorarensen (fædd Schiöth), saumaði (Þjms. 2012-13-10).
Main information
Magnús Erlendsson, Attributed
Erlendur Magnússon, Attributed
Ragnheiður Stefánsdóttir Thordersen Hafstein, Used by
Donor: Ragnheiður Hafstein Reynisdóttir
Erlendur Magnússon, Attributed
Ragnheiður Stefánsdóttir Thordersen Hafstein, Used by
Donor: Ragnheiður Hafstein Reynisdóttir
Dating
1904 - 1910
Material
Object-related numbers
"Museumnumber b": 2012-13-7
Dimensions
74 x 0 cm
Lengd: 74 cm
Record type
Collection
Undirskrá: Munasafn
Keywords