Skauttreyja
1904 - 1910
In preservation at
National Museum of Iceland
Skauttreyja úr svörtu klæði, með svarbláum treyjuborðum, leggingum í handveg og bak og fremst á ermum. Treyjuborðarnir og borðarnir fremst á ermum eru baldýraðir með gylltum vírþræði. Mynstrið er holtasóley. Treyjubolurinn er fóðraður með gráu silki, ermarnar með ljósu lérefti en borðarnir fremst á ermum með bleiku satínefni. Á hvorri ermi hafa verið sex ermahnappar úr koparblöndu, gagnskornir, með laufamynstri og niður úr hverjum eitt lauf. Nú eru einungis tveir þeirra fastir við treyjuna, báðir á hægri ermi, en fjórir hnappar fylgja lausir með. Aðrir hafa glatast. Mikið hefur fallið á málminn. Á ermunum eru göt og rifur þar sem hnapparnir hafa verið festir. Treyjunni er krækt að framan með sjö krókapörum að neðan og einu að ofan. Hún er orðin eilítið slitin.
Gripirnir nr. Þjms. 2012-13 koma frá Ragnheiði Hafstein Reynisdóttur. Þetta er skautbúningur Ragnheiðar Hafstein (Stefánsdóttur Thordersen), eiginkonu Hannesar Hafstein ráðherra:
2012-13-1 skauttreyja
2012-13-2 pils
2012-13-3 möttull
2012-13-4 faldur
2012-13-5 blæja
2012-13-6 peysubrjóst
2012-13-7 stokkabelti
2012-13-8 spöng
2012-13-9 askja
Ragnheiður Hafstein ráðherrafrú var langamma gefanda. Búningurinn hefur síðan verið í eigu Ragnheiða í þessum legg fjölskyldunnar. Ragnheiður Thorarensen (Hafstein. f. 1903) eignaðist búninginn eftir móður sína. Síðar gekk búningurinn til gefanda sem nú ákvað að afhenda hann Þjóðminjasafninu til eignar og varðveislu.
Í Ljósmyndasafni Íslands í Þjóðminjasafni eru varðveittar ljósmyndir af Ragnheiði Hafstein ráðherrafrú í búningnum, sjá t.d. ljósmyndir nr. P.Br. 25050, 25104, 25105, 25106.
Gefandi afhenti ennfremur útsaumað veggtjald sem angamma gefanda, Alma Clara Margrethe Thorarensen (fædd Schiöth), saumaði (Þjms. 2012-13-10).
Main information
Dating
1904 - 1910
Material
Object-related numbers
"Museumnumber b": 2012-13-1
Dimensions
43 x 0 cm
Lengd: 43 cm
Record type
Collection
Undirskrá: Munasafn
Keywords
Keyword: Skauttreyja