Veggtjald
1912
In preservation at
National Museum of Iceland
Veggtjald (veggteppi), 395 cm langt og 52 cm hátt. Það er útsaumað með glitsaumi, myndum af textílum sem varðveittir eru í Þjóðminjasafninu. Sú sem saumaði tjaldið sat við útsaum í Safnhúsinu árið 1912, taldi út mynstur og saumaði eftir textílum sem þar voru til sýnis. Myndirnar mætti því rekja saman við fyrirmyndirnar. Munstrin eru saumuð í ljósbrúnan ullarjafa, með gulu, rauðu, grænu og bláu ullargarni. Við brúnir hefur verið saumuð fjólublá satínrönd. Litirnir allir eru orðnir mjög upplitaðir. Tjaldið hefur því augljóslega hangið lengi þar sem sól hefur skinið á það. Það er annars heilt og í góðu ástandi. Í hægra horn að neðanverðu er saumað ártalið 1912 og í vinstra horn að neðanverðu upphafsstafirnir A Th. Þetta eru upphafsstafir Ölmu Thorarensen, langömmu gefanda (fædd Alma Clara Margrethe Schiöth, f. 1867, d. 1949). Eiginmaður hennar var Oddur Carl Thorarensen lyfsali (f. 1862, d. 1934). Tjaldið er fóðrað með hvítu lérefti.
Gripirnir nr. Þjms. 2012-13 koma frá Ragnheiði Hafstein Reynisdóttur. Auk veggtjaldsins er það skautbúningur Ragnheiðar Hafstein (Stefánsdóttur Thordersen), eiginkonu Hannesar Hafstein ráðherra:
2012-13-1 skauttreyja
2012-13-2 pils
2012-13-3 möttull
2012-13-4 faldur
2012-13-5 blæja
2012-13-6 peysubrjóst
2012-13-7 stokkabelti
2012-13-8 spöng
2012-13-9 askja
Ragnheiður Hafstein ráðherrafrú var langamma gefanda. Búningurinn hefur síðan verið í eigu Ragnheiða í þessum legg fjölskyldunnar. Ragnheiður Thorarensen (Hafstein. f. 1903) eignaðist búninginn eftir móður sína. Síðar gekk búningurinn til gefanda sem nú ákvað að afhenda hann Þjóðminjasafninu til eignar og varðveislu.
Í Ljósmyndasafni Íslands í Þjóðminjasafni eru varðveittar ljósmyndir af Ragnheiði Hafstein ráðherrafrú í búningnum, sjá t.d. ljósmyndir nr. P.Br. 25050, 25104, 25105, 25106.
Main information
Dating
1912
Material
Object-related numbers
"Museumnumber b": 2012-13-10
Dimensions
395 x 52 cm
Lengd: 395 Breidd: 52 cm
Record type
Collection
Undirskrá: Munasafn
Keywords
Keyword: Veggtjald