Kjóll
1960 - 1965
In preservation at
National Museum of Iceland
Grænblár (túrkisblár) síðkjóll, ermalaus, með svörtu pallíettumynstri við hálsmál og neðst við fald. Vinstra megin að neðan er um 35 cm há klauf og pallíettumynstrið er einnig með brúnum hennar. Kjóllinn er úr satínefni, um 138 cm síður frá öxl. Hann er renndur í bakið og er ófóðraður. Á hlýrum innanverðum eru festingar til að festa þá við hlýra brjóstahaldarans. Kjóllinn virðist hafa verið tekinn út / víkkaður í hliðum. Hann er gerður á saumastofunni Gullfossi í Reykjavík og er merktur: Gullfoss tizkuvörur. Í viðtali við Ragnar Þórðarson, einn eigenda saumastofunnar, í Fálkanum árið 1962, segir m. a.:
„Ég verzlaði með tízkufatnað og vefnaðarvörur og það gekk illa að fá þetta til landsins, vegna stríðsins. Þá keypti ég tízkuverzlunina og saumastofuna Gullfoss, sem er elzta tízkusaumastofa á landinu og mér er óhætt að segja sú eina sem framleiðir kvenkjóla að nokkru ráði. Saumastofan Gullfoss var stofnuð 1916 og ég keypti hana af Jóhanni Eyjólfssyni. Eftir þetta seldum við íslenzkan iðnað, eigin framleiðslu og innfluttar vörur jöfnum höndum. Rebekka Hjörtþórsdóttir veitti saumastofunni forstöðu, og á henni hvíldi fyrirtækið fyrstu árin.“
Kjóllinn er væntanlega frá því um 1960-1965 því um það leyti virðist saumastofan hafa hætt. Hún var til húsa í Austurstræti 5 og Vesturgötu 3 en síðast og lengst var hún að Laugavegi 89.
Fatnaðurinn númer Þjms. 2012-48 er af Unni Ágústsdóttur Schram (f. 1915, d. 2001). Gefandi er Hrafnhildur, dóttir Unnar.
Main information
Dating
1960 - 1965
Material
Object-related numbers
"Museumnumber b": 2012-48-3
Dimensions
138 x 0 cm
Lengd: 138 cm
Record type
Collection
Undirskrá: Munasafn
Keywords
Keyword: Kjóll