Slifsi

1910 - 1940

In preservation at

Peysufataslifsi úr ljósu (beige-litu) silkidamaski með silkikögri á endum í sama lit. Slifsið er um 159 cm langt, mælt með kögri, og 21 cm breitt. Efnið í slifsinu er orðið eilítið viðkvæmt og hefur af þeim sökum trosnað lítillega á stöku stað en slifsið er annars í góðu ástandi. Það er úr eigu Elínar Ólafar Ólafsdóttur (f. 1901, d. 1954), sem alla tíð bjó á Blómsturvöllum í Fljótshverfi. Gripirnir nr. Þjms. 2012-3 komu allir frá systur Elínar, Þórdísi Ólafsdóttur (Dísu), Núpum í Fljótshverfi (f. 1913, d. 2003). Þær voru dætur Guðríðar Þórarinsdóttur (f. 1879, d. 1962) og Ólafs Filippussonar (f. 1868, d. 1921) á Blómsturvöllum. Maki Þórdísar var Sigmundur Þorsteinn Helgason frá Núpum. Þau Þórdís voru barnlaus en hjá þeim voru oft börn í sumardvöl. Eitt þeirra barna var Sverrir Þórólfsson flugstjóri sem leit á heimili þeirra Þórdísar og Sigmundar sem sitt annað heimili. Gefandi gripanna er eiginkona Sverris.