Svunta

1910 - 1930

In preservation at

Peysufata- eða upphlutssvunta úr fjólubláu krepefni, svokölluðu sandkrepi, 77 cm síð og um 106 cm breið að neðanverðu. Hneppt vinstra megin að aftan með vínrauðri tölu. Svuntan er samsett, um 20 cm breiðum renningi hefur verið bætt við til að ná nægilegri breidd á svuntuna. Á svuntunni eru nokkur smá göt en annars er hún í góðu ástandi. Hún er úr eigu Guðríðar Þórarinsdóttur, húsfreyju á Blómsturvöllum í Fljótshverfi á árunum 1903-1947. Gripirnir nr. Þjms. 2012-3 komu allir frá Þórdísi Ólafsdóttur (Dísu), Núpum í Fljótshverfi (f. 1913, d. 2003). Hún var dóttir Guðríðar Þórarinsdóttur (f. 1879, d. 1962) og Ólafs Filippussonar (f. 1868, d. 1921) á Blómsturvöllum. Maki Þórdísar var Sigmundur Þorsteinn Helgason frá Núpum. Þau Þórdís voru barnlaus en hjá þeim voru oft börn í sumardvöl. Eitt þeirra barna var Sverrir Þórólfsson flugstjóri sem leit á heimili þeirra Þórdísar og Sigmundar sem sitt annað heimili. Gefandi gripanna er eiginkona Sverris.