Sjal

1900 - 1920

In preservation at

Sjal, peysufatasjal, úr svörtu ullarefni með vaðmálsvend, fremur þunnu. Það er um 157 x 160 cm stórt, mælt án kögurs. Kögrið er með öllum fjórum brúnum sjalsins og er um 10,5 cm langt. Sjalið er faldað bæði í saumavél og í höndum. Smá göt eru nokkuð víða á sjalinu en annars er það í góðu ástandi. Sjalið er úr eigu Guðríðar Þórarinsdóttur, húsfreyju á Blómsturvöllum í Fljótshverfi á árunum 1903-1947. Gripirnir nr. Þjms. 2012-3 komu allir frá Þórdísi Ólafsdóttur (Dísu), Núpum í Fljótshverfi (f. 1913, d. 2003). Hún var dóttir Guðríðar Þórarinsdóttur (f. 1879, d. 1962) og Ólafs Filippussonar (f. 1868, d. 1921) á Blómsturvöllum. Maki Þórdísar var Sigmundur Þorsteinn Helgason frá Núpum. Þau Þórdís voru barnlaus en hjá þeim voru oft börn í sumardvöl. Eitt þeirra barna var Sverrir Þórólfsson flugstjóri sem leit á heimili þeirra Þórdísar og Sigmundar sem sitt annað heimili. Gefandi gripanna er eiginkona Sverris.