Skápur
1930 - 1940
In preservation at
National Museum of Iceland
Skápur úr tré með fjórum skúffum
sem opnast í báðar áttir. Var lengi á vöruafgreiðslu Skipaútgerðar ríkisins
/ Ríkisskipa við Grófarbryggju í Reykjavík, þ.e. í bragga er notaður var
á árunum 1931-1982. Bragginn var aðallega hafður undir smádót af ýmsu tagi.
Skápurinn er upphaflega sagður vera úr strandferðaskipinu Súðinni sem var
í þjónustu Skipaútgerðarinnar 1930-1949. Gefandi, Hafsteinn Jónsson, Bárugötu
31, Reykjavík, var starfsmaður Skipaútgerðarinnar í fjöldamörg ár. Hafsteinn
kveðst hafa hirt skápinn vegna þess að sú saga fylgdi honum að hann væri
úr Súðinni. Fyrir lá að annars yrði skápnum hent. Tryggvi Blöndal, Naustahein
18, Hafnarfirði, var stýrimaður á Súðinni um tíma. Finnst honum fremur
ólíklegt að skápurinn sé úr skipinu vegna þess hve óvandaður hann er, að
hans mati, en þó einkum vegna þess að skúffurnar opnast í báðar áttir.
Það getur varla talist hentugt um borð í skipi, segir Tryggvi. Telur hann
að innréttingar í Súðinni hafi verið vandaðri en skápurinn. Súðin
var í þjónustu Skipaútgerðarinnar 1930-1949.
Ingimundur Benediktsson, trésmiður,
Lindarseli 2 í Reykjavík, gerði lítils háttar við skápinn fyrir sýningu
sem var í Sjóminjasafni Íslands árið 1992. Lagfært var horn á skápnum,
pússað létt yfir hann með fínum sandpappír og lakkað. Skápurinn var mjög
skítugur fyrir viðgerðina, gamalt lakk var þó vel sjáanlegt en illa farið.
Sett var á lakk með svipaðri áferð og lit.
Main information
Dating
1930 - 1940
Material
Object-related numbers
Museumnumber a: Sms
"Museumnumber b": 1992-8-28
Record type
Collection
Undirskrá: Sjóminjasafn (SMS)
Keywords
Keyword: Skápur
References
Hilmar Snorrason, 1990. Ríkisskip
60 ára, bls. 16. Reykjavík.