Göngustafur
1902
In preservation at
National Museum of Iceland
Árni Á Þorkelsson, bóndi, Geitaskarði, ánafnaði:
Göngustafur úr spanskreyr, silfurbúinn. Handfangið er króklagað, fremst á króknum er silfurhólkur með útflúruðum hnapp og fangamarkinu: ÁÁÞ. Í bugnum við stöngina er annar hólkur, um 5 cm að breidd; gengur hann upp í burst að framan og eru þar grafin á 2 englahöfuð, tekur þá við þriðji hólkurinn, 5,5 cm að breidd, með lítilli bryggju að neðan og samskeytum að aftan; á hann er grafið: "Frá nokkrum bændum / í Engihlíðarhreppi / til sjálfseignarbónda / Árna Ásgríms Þorkelssonar / á Geitaskarði / á 50 ára afmæli hans 1902."
2,5 cm fyrir neðan þennan hólk er liður á reyrnum og er stöngin öll gildari þar fyrir neðan; um liðinn er hólkur með 8 stórum laufum að ofan, og er hann áttstrendur eins langt niður og laufin ná, að neðan eru allmörg smálauf, og er hann þar sívalur eins og stöngin; breidd hans er 3,2 cm. Stöngin mjókkar neðan til og gengur niður í nýsilfurhólk, 8,8 cm að breidd og er stálbroddur (skór) neðan í, nú að mestu eyddur. Öll lengd stafsins er 85,2 cm, þvermál 1,9 í króknum, 2,4 um miðja stöngina, og 2,1 og 1,5 cm um neðsta hólkinn.
Main information
Donor: Árni Ásgrímur Þorkelsson
Dating
1902
Material
Object-related numbers
Museumnumber a: L-63
Dimensions
85.2 x 0 cm
Lengd: 85.2 cm
Record type
Collection
Undirskrá: Listiðnaðarsafn (L)
Keywords
Keyword: Göngustafur