Skápur
1913
In preservation at
National Museum of Iceland
Ánafnað af Sesselju og Andrési Fjeldsted, hjónum í Ferjukoti, áður á Hvítárvöllum:
Skápur úr mahogny, að mestu leyti útskorinn af Gunnlaugi Blöndal, nú listmálara, og er skápurinn prófsmíði hans ("sveinsstykki"), er hann varð fullnuma í útskurðarlist hjá Stefáni Eiríkssyni. Útskurðurinn er allur á framhlið skápsins, og stendur hún út fyrir hann á alla vegu; bakið stendur einnig nokkuð út fyrir alls staðar, en milli þess og framhliðarinnar er hann að hæð 63 cm, breidd 44,3 og dýpt 48 cm. Framhliðin er um 103,5 cm að hæð, 71 neðst og 65 ofarlega, en gengur síðan saman í odd eða burst, alla út- og gagnskorna. Eru þar á 3 litlir skildir úr gulli; er grafið á miðskjöldinn: "Til gullbrúðhjónanna / Sesselju og Andrésar Fjeldsted / með ástarkveðju / frá börnum þeirra"; en á skjöldinn fyrir framan: "15. júní 1863", og á skjöldinn fyrir aftan: "15. júní 1913". Á miðri framhlið er hurð með miklum útskurði; er í henni peruviðarspjald með útskornum rósum á tigli á miðju, og er með snúrum og perlustrengjum; horn bogadregin; stærð hurðarinnar er 103,5 x 35,3 cm. Útskurðurinn er allur í endurlifnunarstíl; gagnskornar greinar beggja [vegna] við hurðina með miklu blaðaskrauti ?; blómum og fuglum eins beggja vegna. Neðst vængjaðir hestar með drekabúk og hala, og mætast þeir í kjafti á satýrs-grímum, koma út um hann og sveigjast aftur út til beggja hliða; en uppi yfir hurðinni er brjóstmynd konu (Sigur) með geislakórónu og upplyftum vængjum. Er á þessu öllu hið vandaðasta verk. Tengdadóttir þeirra Andrésar og Sesselju, Sigríður Fjeldsted, ekkja Andrésar Fjeldsteds augnlæknis, afhenti nú safninu skápinn.
Freyja Hlíðkvist Ómarsdóttir, febrúar 2010:
Uppdráttur Gunnlaugs Blöndal af skápnum hafði áður borist til Þjóðminjasafnsins og er nr. Þjms. 6513.
Main information
Dating
1913
Material
Object-related numbers
Museumnumber a: L-49
Dimensions
103.5 x 71 cm
Lengd: 103.5 Breidd: 71 cm
Record type
Collection
Undirskrá: Listiðnaðarsafn (L)
Keywords
Keyword: Skápur