Afsaltari, t. hreinsunar á málmi

1978 - 1979

In preservation at

Tæki þetta er búið til af tveimur starfsmönnum Þjms, þeim Gísla Gestssyni og Pétri Jónssyni. Um er að ræða rafmótor og rafal. Mótorinn er líklega frá sög, sem var á verkstæði Þjms., en rafallinn er frá einhverri vindmyllu, ekki vitað hvaða. Pétur kallar þetta MIX. Tækið var notað ásamt sérstöku kari, sem í voru tvö rafskaut, til að afsalta fornt járn. Karið var fyllt af eimuðu vatni og járnhlutunum raðað á grindur sem komið var fyrir í karinu. Síðan var hleypt á straumi. Kallast aðferð þessi ELECTROLYS. Samkv. uppl. Halldóru Ásgeirsdóttur forvarðar, sem veitt hefur fróðleik um tækið ásamt P.J., er karið enn til á Þjms. Mótor og rafall eru svartir á lit og einsk. búr smíðað yfir rafalinn. Á honum er krossviðarplata með einum ampermæli og einum voltmæli. Á plötunni er ennfremur eitt perustæði (peran virkaði sem mótstaða), eitt öryggi og ein FLAKRÓ, sem notuð var sem mótstaða og mátti stilla eftir þörfum. Skilti er ofan á mótornum sem á stendur: WEIL PUMP CO. CHICAGO, ILL, U.S.A. MOTOR BY / PEERLESS R.P.M. 1440 MOTOR NO. 612021 TYPE FRA. P 204 H.P. 1 / CUR. AC / VOLTS. 220 P.H. 3 / CYC. 50 / AMPS. 3,2 Annað skilti er á mótornum, einsk. tafla yfir LOW VOLTS OG HIGH VOLTS. Gísli Gestsson mun vera eini starfsmaður Þjms. sem notaði tækið. Á sínum tíma annaðist hann fornvörslu, eftir því sem við var komið, og var tækið ekki notað eftir að hann hætti slíkum störfum fyrir safnið. Halldóra Ásgeirsdóttir segir að menntaðir forverðir safnsins hafi aldrei notað tækið. Ath. að jarðskaut og rafmagnssnúrur eru föst við tækið.