Go Back To Search
Do you know more?

Gítar

1907
In preservation at
National Museum of Iceland
Gítar með venjulegri gerð, með furumynduðum belg, lengd 46, breidd 21,2 í efri enda, 17,3 um mjóddinn og 29,5 um neðri hlutann, mest, en þykkt er 9,3-9,8 cm.  Fura er að ofan en geislóttur laufviður í botni og umhverfis.  Hljómaop kringlótt, 8,6 cm að þvermáli.  Nótnastöngin svört, uppmjó, breidd 4,7-5,9 cm, nær hálfsívöl;  byggist aftur efst og er gagnskorin, með teinum í gegn, sem strengirnir eru undnir um með stilliskrúfum sem eru festar við hliðarnar, 3 hvoru megin;  er þessi umbúningur úr látúni, og brún er á skrúfuhausunum.  Stöngin er 42,4 + 14,5 cm að lengd, en þar af eru 10,8 cm ofan á belgnum.  Nóturnar (teinar um þvert stöngina) eru úr nýsilfri, 18 að tölu. Virðist vandaður og nær ógallaður.  Kvaðst frú Anna hafa átt gítarinn lengi og þær María kjördóttir hennar og hún sjálf spilað á hann fyrrum. Gítarspil var fremur almennt fyrrum hjá heldra fólki, einkum á síðasta hluta 19. aldar, en hefur mjög lagst niður eftir að fortepíanóum fjölgaði í landinu. Gítarkassinn, sem þessi gítar er í, var gefinn safninu skömmu síðar og er nr. 106.

Main information

Dating
1907
Material
Object-related numbers
Museumnumber a: ASt-24
Record type
Collection
Undirskrá: Anna Stephensen_Safn (ASt)
Keywords
Keyword: Gítar