Go Back To Search
Do you know more?

Kanna, óþ. notk.

1799
In preservation at
National Museum of Iceland
Úr aðfangabók: Kanna, úr postulíni,  með silfurloki, hvít með miklum skreytingum, gerð í hinni dönsku postulínsverksmiðju.  Kringum opið er gylltur krákustigsbekkur, og um botninn gyllt lína og um hana bugðar sig teinungur með fíngerðum blöðum.  Framan á er blómknippi með rós, gleimmérei og fleiri blómum í mörgum litum, aftan á, undir handarhaldinu er, er annað blómknippi, minna.  Á hliðunum eru kransar með ýmsum blómum og mörgum litum; innan í öðrum stendur með gylltum stöfum:  GPS/Anno - og í hinum: ÞGD/1799.  Lokið er á hjörum, sem festar eru með spöng á handarhaldið; upp af hjörunum gengur lauf til að opna lokið með, 4 cm að hæð og 3 að breidd; framan á því er mannsandlit.  Lokið er ávalt í kring, var flatt að ofan og er þar grafinn á það blaðakrans, innan í hann eru heldur viðvaninglega punkterað fangamörkin:  GPS/ÞPD og ártalið 1744.  Stafirnir á könnunni og lokinu eru fangamörk hjónanna Guðmundar Péturssonar, sýslumanns (f. 1748, d. 1811) og Þórunnar Guðmundsdóttur, á lokinu hefur misritast P fyrir G í fangamarki hennar, og ef til vill er 44 í ártalinu líka misritað fyrir 99.*  Kannan er 11 cm að þvermáli, 15,2 cm að hæð undir lok, og 17,2 cm með loki.  Lokið er smíðað af Sigurði Þorsteinssyni gullsmið, föðurbróður Guðmundar Péturssonar. *Fyrri eiginkona Guðmundar Péturssonar var Þórunn Pálsdóttir (f. 1758, d. 1785, þau voru systkinabörn). Síðari eiginkona Guðmundar var Þórunn Guttormsdóttir (sem var systurdóttir hans, f. 1768, d. 1839). Því má ætla að upphafsstafirnir, GPS/ÞPD og GPS/ÞGD séu réttir, sem og síðara ártalið, 1799. Fyrra ártalið, 1744, þarf að skoða betur og sjá hvort það sé mislesið, misritað eða hugsanlega upphaflega af eldri grip.

Main information

Dating
1799
Material
Object-related numbers
Museumnumber a: Víd-24
Dimensions
11 x 17.2 cm Lengd: 11 Breidd: 17.2 cm
Place
Staður: Krossavík 1, 690-Vopnafirði, Vopnafjarðarhreppur
Exhibition text
Postulínskanna, ölkanna, dönsk með silfurloki. Á könnunni eru fangamörk Guðmundar Péturssonar sýslumanns í Krossavík í Vopnafirði og Þórunnar Guðmundsdóttur konu hans og ártal 1799 með blómakrönsum umhverfis. Lokið er smíðað af Sigurði Þorsteinssyni gulls
Record type
Collection
Undirskrá: Vídalínsafn (Víd)
Keywords
References
Þór Magnússon.  Silfur í Þjóðminjasafni.  Reykjavík, 1996: bls. 13.

Place of origin

65°43'34.3"N 14°45'3.4"W