Vindlastæði
1910
In preservation at
National Museum of Iceland
Vindlastæði, útskorið, smíðað úr ljósbrúnum harðviði. Hæð þess um 20,4 cm, þvermál 13 cm. Er gripur þessi felldur saman og límdur en auk þess festur saman með skrúfum og nöglum úr kopar. Aðalhlutinn er niðurmjótt, sexhliða hylki, og eru höfð speldi, allþykk, í hliðum, en plata felld að við endana, er þykkt efri plötu 1 cm, hinnar neðri 0,6 cm, við efri plötuna er mest þvermál á hlutnum. Sex göt, kringlótt, fyrir vindla, eru gerð í efri hylkisendann, gegnt hornunum, vídd þeirra 1,7 cm, og á miðjum endanum haft typpi, um 3 cm á hæð, með aldinlögun. Hylkið hvílir á stoð, er það þrístrendur stautur, um 5 cm á hæð, með útstæðum brúnum bæði að ofan, í miðju og að neðan, undir stoðinni er plata, þríarma, 12,5 cm að þvermáli, þykkt um 1 cm, með bogadregnum brúnum. Settir eru undir plötu þessa litlir, kringlóttir fætur úr beini, felldir í utarlega á örmum, hæð þeirra mest 1 cm. Stoðarhorn standast á við miðjar hliðar hylkis en að neðan við arma plötunnar. Allófrýnilegur kynjafiskur rís á armi hverjum, hæð rúmlega 7 cm mest, er höfuð látið vita fram en sporðurinn nær upp fyrir botnplötu hylkis. Við mót hliðanna eru ávalar rastir en úrtök á hinum láréttu brúnum á hylkinu og á stoð og plötu. Fínlegt jurtaskraut í hylki að utan, grunnskorið, þar sem gerðir eru bekkir og rammar, en grunnur víða hrjúfur, skorið er fangamark, OF, með skrautlegum upphafsstöfum, og andspænis því ártal, 1910. Lakkaðir og hrufóttir fletir í útskurði stoðarinnar en með brúnum plötunnar er gróp. Typpið, rastirnar og brúnir á plötu þessari með svartri lakkhúð, annars staðar er borin á olía. Brotnað hefur af, lakkhúðin eydd.
Main information
Dating
1910
Material
Object-related numbers
Museumnumber a: L-255
Dimensions
20.4 x 13 cm
Lengd: 20.4 Breidd: 13 cm
Record type
Collection
Undirskrá: Listiðnaðarsafn (L)
Keywords
Keyword: Vindlastæði