Predikunarstóll

1723

In preservation at

Úr aðfangabók: Prédikunarstóll úr Ljósavatnskirkju. Hann er smíðaður úr furu sem sexstrendingur, með fimm hliðum og hurð að aftanverðu á hjörum, sem leggjast saman að utanverðu og standa um 9 cm aftur af. Hæð stólsins er 105 cm, hver hlið er um 50 cm að breidd en hurðin er 58,5 cm að breidd. Ofan á efri kandinum er flatur listi 9 cm að breidd, neðar er annar listi og er bilið á milli þeirra 6,5 cm og sá þriðji 14 cm frá gólfi, neðst um neðri kantinn, sem hvílir á gólfinu er fjórði listinn, allir eru þessir listar strikheflaðir og um 4 cm að breidd. Predikunarstóllinn er málaður brúnn, þó málningin sé nú víða slitin af. Efst á framhliðina er málað: „GumunDer Stensen“ og á næstu hlið „Anno 1723“ Hliðarnar eru settar saman, hver fyrir sig sem spjöld í umgerðum og á þær eru máluð ljósleit blómker með mjóum hálsi og stórum handarhöldum og eru í þeim sýnd margskonar blóm í mörgum litum.